मंगलवार, १७ असार, २०८२
मंगलवार, १७ असार, २०८२
राष्ट्रिय सन्देश संबाददाता, बिहीबार, ७ बैशाख, २०८०
मेलबर्न। बिहीबार बिहान अस्ट्रेलियाको तटीय सहर एक्समाउथमा दुर्लभ सूर्यग्रहण हेर्न करिब २०,००० मानिस भेला भएका थिए। सूर्यग्रहणका कारण प्रदेशभर करिब एक मिनेट अन्धकार छाएको थियो ।
तीन हजार भन्दा कम बासिन्दाहरूको यो दुर्गम पर्यटक शहर अष्ट्रेलियामा ग्रहण हेर्नको लागि उत्कृष्ट गन्तव्यहरू मध्ये एकको रूपमा प्रचार गरिएको थियो।
सूर्यग्रहण हेर्न विगत केही दिनदेखि एक्समाउथमा अन्तर्राष्ट्रिय पर्यटकको भीड लागेको थियो । ग्रहण हेर्नका लागि आफूसँग दूरबीन, क्यामेरा र अन्य उपकरण ल्याएका थिए। यसैबीच, आंशिक ग्रहण हेर्न इन्डोनेसियाको राजधानी जकार्ता प्लानेटेरियममा सयौं मानिसको भीड लागेको थियो ।
नासाका खगोलविद् हेनरी थ्रुप एक्माउथमा ग्रहण हेर्ने मध्ये थिए। उनले भने, ‘यो पत्याउनै नसकिने दृश्य हो । यो केवल एक मिनेट लामो थियो तर यो साँच्चै लामो र अद्भुत लाग्यो। चाखलाग्दो कुरा के छ भने, हामीले ग्रहण हेर्दै गर्दा, हामीले बृहस्पति र बुध ग्रहहरू पनि स्पष्ट रूपमा देख्यौं।
