बिहीबार, २५ पुष, २०८१
बिहीबार, २५ पुष, २०८१
राष्ट्रिय सन्देश संबाददाता, शनिबार, १३ जेष्ठ, २०८०
काठमाडौं। राष्ट्रिय स्वतन्त्र पार्टी रास्वपाका सभापति रवि लामिछानेले भ्रष्टाचारलाई जरैदेखि निर्मुल पार्नु नै आफ्नो पार्टीको पहिलो उद्देश्य भएको बताएका छन् ।
शनिवार पार्टीको ललितपुर महानगरको भेलालाई सम्बोधन गर्दै सभापति लामिछानेले रास्वपाको पहिलो एक नम्बरमा रहेको काम भनेकै भ्रष्टाचारको अन्त्य गर्नु रहेको बताए । उनले भ्रष्टाचार विरुद्ध रास्वपा चुप लागेर नबस्ने पनि प्रष्ट पारे ।
सभापति लामिछानेले नक्कली भुटानी शरणार्थी प्रकरणमा प्रहरीको अनुसन्धानमाथि आफूहरुलाई शंका लागेकाले संसदीय विशेष समिति बनाएर छानविन गर्न माग गर्नु परेको बताए । संसदीय विशेष समिति बनाएर यसमा संलग्नहरुलाई कारबाही गर्नका लागि आफ्नो पार्टीले सक्दो पहल गर्ने उनले बताए ।
नक्कली भुटानी शरणार्थी प्रकरणमा समातिएका ठूला भनेका नेता हाँगा मात्रै भएकोले उक्त प्रकरणमा जरा सम्म पुगेर छानविन गर्न संसदमा संसदीय समितिको आफुहरुले उठाएको उनको भनाइ थियो ।
उनले भने ‘अहिले समातिएका ठूला भनिएका नेताहरु ति भ्रष्टाचारका जरा होइनन्,हाँगा मात्र हुन् जरा सम्म पुग्नुपर्ने छ । जरासम्म पुग्न सकेको छैन्, जरासम्म पुगोस भनेर राष्ट्रिय स्वतन्त्र पार्टीले अव संसदमा आवाज उठाउन थालिसक्यो । संसदमा विशेष समितिको माग गछौं ।’
लामिछानेले देशमा रहेको भ्रष्टाचारको जरोसम्म पुगेर त्यसलाई नओकलेसम्म आफूहरुले स्वास नफेर्ने जिकिर समेत गरे ।
