बिहीबार, २५ पुष, २०८१
बिहीबार, २५ पुष, २०८१
राष्ट्रिय सन्देश संबाददाता, आईतवार, २९ माघ, २०७९
रवि लामिछाने नागरिकता विवादमा दोषी ठहर भएसँगै सांसद पद रिक्त भएको चितवन क्षेत्र नम्बर २ मा आगामी वैशाख १० मा उपनिर्वाचन गरिने निर्वाचन आयोगले जनाएको छ। आइतबार बसेको निर्वाचन आयोगको बैठकले वैशाख १० गते आइतबार गर्ने गरी उपनिर्वाचनको मिति घोषणा गरेको हो ।
मंसिरमा भएको प्रतिनिधि सभाको निर्वाचनमा रास्वपा का सभापति समेत रहेका रबि लामिछानेले प्रतिद्वन्द्वी नेपाली कांग्रेसका उम्मेदवार उमेश श्रेष्ठलाई ३४ हजार १६२ मतान्तरले पराजित गरेका थिए । लामिछानेले ४९ हजार २६१ मत ल्याउँदा श्रेष्ठले १५ हजार ९९ मत ल्याएका थिए। एमालेका कृष्णभक्त श्रेष्ठ १४ हजार ६४९ मत मात्रै ल्याएका थिए । उता उमेश श्रेष्ठ ले रबि लामिछाने पद मुक्त भएपछी आफुले संसद पद पाउनु पर्ने भन्दै हिडिरहेका छन् भने रास्वपा ले छिटो निर्वाचन हुनुपर्ने माग गर्दै आएको छ।
