बिहीबार, २५ पुष, २०८१
बिहीबार, २५ पुष, २०८१
राष्ट्रिय सन्देश संबाददाता, शुक्रबार, १९ जेष्ठ, २०८०
काठमाडौँ। एमाले पार्टी कार्यालय च्यासलमा शुक्रबार बसेको एमाले सचिवालय बैठकले प्रदेश इन्चार्जमा एमालेका सचिबहरुलाई जिम्मेवारी दिएको छ । जसमा रघुवीर महासेठलाई कोशी प्रदेश र योगेश भट्टराईलाई मधेशको जिम्मेवारी तोकेको छ ।वाग्मती प्रदेशको इन्चार्ज तोकिन बाँकी छ भने गण्डकीमा गोकर्ण विष्ट , लुम्बिनीमा पद्मा अर्याल, कर्णालीमा लेखराज भट्ट र सुदूरपश्चिम इन्चार्जको जिम्मेवारी छविलाल विश्वकर्माले पाएका छन् ।जिल्ला तथा पालिका इन्चार्जमा पनि हेरफेर गरिएको छ ।
'विभागीय प्रमुखको जिम्मेवारी पनि हेरफेर गरिएको छ । सबै केन्द्रीय सदस्यहरुको जिम्मेवारी तोकिएको छ ।'स्थायी कमिटी र पोलिटब्यूरो सदस्यलाई जिल्ला इन्चार्जको जिम्मेवारी दिइएको छ भने केन्द्रीय सदस्यहरुलाई पालिकाको जिम्मेवारी दिइएको छ ।एमालेले विभाग प्रमुख राजेन्द्र गौतमलाई बनाएको छ । यसअघिको विभागीय प्रमुख पृथ्वीसुब्बा गुरुङलाई संसदीय विभागको प्रमुख बनाइएको छ ।
त्यस्तै सचिवालयल बैठकले जिम्मेवारीमा हेरफेर गर्दै वरिष्ठ उपाध्यक्ष र उपाध्यक्षहरुलाई पनि जिम्मेवारी तोकेको छ। योजना तथा नीतिसँगसम्बन्धी विभागको वरिष्ठ उपाध्यक्ष ईश्वर पोखरेल, पूर्वाधार र विकाससँग जोडिएको विभागमा सुरेन्द्र पाण्डे, कृषि तथा उद्यमशीलतासम्बन्धी विभागमा रामबहादुर थापा, सामाजिक विकाससम्बन्धी विभाग अष्टलक्ष्मी शाक्य, मानवस्रोतसँगसम्बन्धी विभाग युवराज ज्ञवाली, सुशासन र सेवा प्रवाहसँग सम्बन्धी विभागका सुवासचन्द्र नेम्वाङ र संगठन तथा प्रशिक्षणसँग सम्बन्धी विभागहरुको संयोजन विष्णु पौडेललाइ तोकेको छ।
