मंगलवार, ३० बैशाख, २०८२
मंगलवार, ३० बैशाख, २०८२
राष्ट्रिय सन्देश संबाददाता, बुधबार, २४ फाल्गुन, २०७९
काठमाडौँ। आज ११३ औं अन्तर्राष्ट्रिय श्रमिक महिला दिवस विविध कार्यक्रम गरी विश्वभर मनाइँदैछ । हरेक वर्ष मार्च ८ तारिखका दिन यो दिवस मनाउने गरिन्छ । नेपालमा लैंगिक समानताको बलियो आधार सिर्जनात्मक प्रविधिमा महिला पहुँचको विस्तार भन्ने राष्ट्रिय नाराका साथ मनाइंदैछ ।
नेपाल सरकारले आज बुधबार नारी दिवसको दिन सार्वजनिक विदा दिएको छ । नारी मुक्ति आन्दोलनकी अभियन्ता क्लारा जेट्किनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएको दिनको स्मरणमा विश्वभर यो दिवस मनाउने प्रचलन छ ।
दिवसका अवसरमा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री पुष्पकमल दाहाल प्रचण्ड, पूर्वप्रधानमन्त्री केपी शर्मा ओली लगाएत दलका शीर्ष नेताहरूले आज नारि दिवसको अवसरमा शुभकामना सन्देश व्यक्त गरेका छन् ।
