बिहीबार, २५ पुष, २०८१
बिहीबार, २५ पुष, २०८१
राष्ट्रिय सन्देश संबाददाता, शनिबार, १८ चैत्र, २०७९
काठमाडौँ। राष्ट्रिय स्वतन्त्र पार्टीले वैशाख २३ गते हुने उपनिर्वाचनका लागि औपचारिक रुपमा उम्मेदवार घोषणा गरेको छ ।पार्टीका अध्यक्ष रवि लामिछाने चितवन–२ बाट, अर्थविद् स्वर्णिम वाग्ले तनहुँ–१ र पूर्व वरिष्ठ प्रहरी अधिकृत रमेश खरेल बाराबाट उम्मेदवार हुने भएका छन्।
वाग्ले बिहीबार नेपाली कांग्रेसलाई त्यागेर नयाँ बनेको राष्ट्रिय स्वतन्त्र पार्टीमा प्रवेश गरेका हुन् । यस अघि उनले पार्टी सभापति शेरबहादुर देउवा र उनकी श्रीमती आरजु राणा देउवाको ‘लगातार अपमान’का कारण उनले पुरानो पार्टी परित्यागको घोषणा गरेको बतेकॉ थिए।
राष्ट्रिय स्वतन्त्र पार्टीका अध्यक्ष रवि लामिछानेले पत्रकार सम्मेलनमा आगामी आम निर्वाचनमा पार्टी सबैभन्दा ठूलो र लोकतान्त्रिक पार्टी बन्ने दाबी गरे ।लामिछानेले भने, ‘हाम्रो पार्टीमा आउनका लागि अन्य धेरै योग्य र योग्य व्यक्तित्वहरु सम्पर्कमा छन् । दुई तिहाइ बहुमतको सरकार बनाउँछौं र ‘विषय विज्ञ’ले मन्त्रालयको नेतृत्व गरि भ्रष्टाचार र घुसखोरीको अन्त्य हुने दाबि गरे।
चितवन–२ बाट विजयी भएका रवि लामिछानेले निर्वाचनमा उम्मेदवारी दिँदा पेश गरेको नागरिकताको प्रमाणपत्र बदर भएको भन्दै सर्वोच्च अदालतले गत माघ १० गते सांसद पद बदर गरेको थियो । पछि उनले नागरिकता लिएका थिए।
नेपाल सुशासन पार्टीका अध्यक्ष खरेल यसअघि मंसिर २० गते भएको निर्वाचनमा काठमाडौं–१ बाट उम्मेदवार थिए ।तर पराजित भएका थिए।
