बुधबार, २४ पुष, २०८१
बुधबार, २४ पुष, २०८१
राष्ट्रिय सन्देश संबाददाता, बुधबार, २४ फाल्गुन, २०७९
काठमाडौँ। राष्ट्रपति निर्वाचनको तयारी पूरा भएको निर्वाचन आयोगले जनाएको छ । भोलि २५ गते हुने राष्ट्रपतिका लागि नेकपा एमालेका सुवास चन्द्र नेम्वाङ र नेपाली कांग्रेसका रामचन्द्र पौडेल उम्मेदवार छन् । निर्वाचन आयोगका अनुसार भोलि बिहान १० बजेदेखि दिउँसो ३ बजेसम्म मतदान समय तोकिएको छ ।
बानेश्वरस्थित संसद भवन परिसरमा संघीय संसदका लागि एउटा र प्रदेशसभा सदस्यहरुलाई अर्को गरि दुइ वटा मतदान केन्द्र बनाइएको छ ।निर्वाचन आयोगका अनुसार ३ बजेसम्म लाइनमा बसेका मतदाताहरुले मतदान गर्न पाउनेछन् ।
मतदान केन्द्रभित्र मोबाइल लैजान पाइने छैन । यदि कसैले मोबाइल लगे निर्वाचन कसूर हुनेछ। भोलि साँझ नै मत परिणाम घोषणा गर्ने तयारी रहेको बताइएको छ।
