बिहीबार, २५ पुष, २०८१
बिहीबार, २५ पुष, २०८१
राष्ट्रिय सन्देश संबाददाता, शुक्रबार, ५ जेष्ठ, २०८०
काठमाडौँ। सरकारको वार्षिक नीति तथा कार्यक्रम आज संसदमा प्रस्तुत हुँदैछ । संघीय संसदको दुवै सदन प्रतिनिधिसभा तथा राष्ट्रियसभाको संयुक्त बैठकमा राष्ट्रपति रामचन्द्र पौडेलले नीति तथा कार्यक्रम प्रस्तुत गर्ने संसद सचिवालयले जनाएको छ । संयुक्त बैठक अपरान्ह ४ बजे बोलाइएको छ ।
स्वास्थ्यमा समस्या आएपछि भारतमा उपचार गराएर फर्किएका पौडेलको अझै स्वास्थ्य अवस्था पूर्ण ठीक नभइसकेकाले नीति तथा कार्यक्रम वाचन गर्न सुरू पछि प्रधानमन्त्री प्रचण्डले पढ्ने तयारी थियो । तर, स्वास्थ्यमा सुधार आएकाले पौडेलले नै नीति तथा कार्यक्रम प्रस्तुत गर्ने राष्ट्रपतिको सचिवालयले बताइसकेको छ । यसपटक कुनै तामझाम बिना रास्ट्रपति संसद भवन प्रवेश गर्ने बताइएको छ।
