शनिबार, २० भाद्र, २०८३
शनिबार, २० भाद्र, २०८३
राष्ट्रिय सन्देश संबाददाता, मंगलवार, १६ भाद्र, २०८३
२०८३ भदौ १६ काठमाडौं । सरकारले रसुवा भोटेकोशी बाढीबाट प्रभावित क्षेत्रको राहत, उद्धार तथा पुनर्स्थापनाका लागि आज १ अर्ब रुपैयाँ निकासा गरेको छ ।
प्रधानमन्त्री बालेन शाहले सामाजिक सञ्जालमार्फत जानकारी दिँदै राष्ट्रिय विपद् जोखिम न्यूनीकरण तथा व्यवस्थापन प्राधिकरणमार्फत प्रभावित स्थानीय तहलाई आवश्यकताअनुसार रकम उपलब्ध गराउन निर्देशन दिइएको बताएका छन् ।
सरकारका अनुसार निकासा गरिएको १ अर्ब रुपैयाँमध्ये आजै तीन जिल्लाका १५ स्थानीय तहका लागि ६ करोड ७५ लाख रुपैयाँ उपलब्ध गराइसकिएको छ ।
यसअघि पनि सरकारले बाढी आएलगत्तै प्रभावित रसुवा र नुवाकोटलाई १–१ करोड तथा धादिङलाई ५० लाख रुपैयाँ उपलब्ध गराएको थियो । त्यसबाहेक प्रभावित स्थानीय तहका लागि थप ६ करोड ७५ लाख रुपैयाँ समेत निकासा गरिएको सरकारले जनाएको छ ।
उक्त रकम बाढीग्रस्त क्षेत्रमा आवश्यकता र मागका आधारमा बाढीपछिको उद्धार, राहत, तत्कालीन पूर्वाधार सुधार, अस्थायी बासस्थान निर्माण लगायतमा जिल्ला विपद् व्यवस्थापन समितिमार्फत खर्च गर्न सकिने छ ।
