शनिबार, २२ चैत्र, २०८१
शनिबार, २२ चैत्र, २०८१
राष्ट्रिय सन्देश संबाददाता, आईतवार, २५ फाल्गुन, २०८१
२५ फागुन २०८१, काठमाडौं । सरकारले सोधेको स्पष्टीकरणमा नेपाल विद्युत प्राधिकरणका कार्यकारी निर्देशक कुलमान घिसिङले आफ्नो स्पष्टीकरण पठाएका छन् । कुलमानलाई स्पष्टीकरण सोध्न मन्त्रिपरिषद्ले गरेको निर्णयको आधारमा ऊर्जामन्त्री दीपक खड्काले शुक्रबार सोधेको ४ बुँदे स्पष्टीकरणको जवाफ कुलमानले १७ पृष्ठमा फर्काएका हुन् ।
उनले जवाफमा आफूलाई उर्जामन्त्री दीपक खड्काले प्रतिशोध साँध्दै स्पष्टीकरण सोध्ने निर्णयका लागि मन्त्रिपरिषद्मा प्रस्ताव लगेको समेत स्पष्टीकरण बाट सफाई दिएका छन् । स्पष्टीकरणमा उनले भारतसँग विद्युत् खरिदबिक्री सम्झौताको ऊर्जामन्त्री दीपक खड्का र ऊर्जा सचिव सुरेश आचार्यसँग पहिले नै अनुमति लिएको दाबी गरेका छन् ।
उनले यसअघि पनि सेवाबाट किन नहटाउने भनी ऊर्जामन्त्रीले सोधेको स्पष्टीकरणको जवाफ पेश गरेको अवस्थामा पुनः सोही बमोजिमको कारवाही गर्न सोही मन्त्रालयको प्रस्ताव एवम् सिफारिसमा स्पष्टीकरण माग गर्न नमिल्ने बताएका छन् ।
उनले राष्ट्र सेवक (कर्मचारी) उपर गरिने विभागीय प्रकृतिको कारवाही गर्न सक्ने अधिकारीले निष्पक्ष र स्वतन्त्र विवेकको आधारमा गर्नुपर्ने भन्दै आफूसँगको सम्झौतापत्र र नियुक्ति रद्द गर्नसक्ने प्रकृया प्रष्ट हुँदाहुँदै पनि प्रकृया र विधि पूरा नगरी भएको कारवाही प्रकृयामा गम्भीर कानूनी र प्रकृयागत त्रुटि रहेको जिकिर समेत गरेका छन् ।
