बिहीबार, २० चैत्र, २०८१
बिहीबार, २० चैत्र, २०८१
राष्ट्रिय सन्देश संबाददाता, शनिबार, २२ मंसिर, २०८१
काठमाडौँ। नेपाली कांग्रेसका सभापति शेरबहादुर देउवाले वर्तमान सरकारले राम्रो काम गरिरहेको दाबी गरेका छन् । शनिबार विराटनगरमा नेपाली कांग्रेस कोशीको प्रथम प्रदेश सम्मेलनको उद्घाटन गर्दै सभापति देउवाले राजनैतिक स्थायित्व र सरकारको स्थिरताका लागि नयाँ गठबन्धन बनाइएको बताउदै एमालेसँगको सहकार्यप्रति ढुक्क रहन कांग्रेस पंक्तिलाई आग्रह गरे। वर्तमान गठबन्धनलाई २०८४ सम्म निरन्तरता दिइने दाबी समेत देउबाले गरेका छन्।
देउवाले प्रधानमन्त्री केपी शर्मा ओलीले चीन भ्रमणमा कुनै ऋण सम्झौता नगरेको बताउदै प्रधानमन्त्री ओलीले (बीआरआई) परियोजनाअन्तर्गत अनुदानमा मात्रै सहमति गरेर आएको प्रति खुशी ब्यक्त गर्दै गर्दै देउवाले भने, ‘उहाँले चीनसँग ऋण लिएको कुरा गर्नुभएन।
हामी ऋणको खिलाफ होइन। तर, विश्व बैक लगायतसँग ऋण लिएका छौं, अन्य राष्ट्रसँग ऋण लिने नीति छैन, ऋणको भार धेरै हुँदा अप्ठ्यारो पर्न सक्ने भएकोले उहाँले महत्त्वपूर्ण निर्णय गरेर आउनुभएको छ।’
