शनिबार, ३० श्रावण, २०८३
शनिबार, ३० श्रावण, २०८३
राष्ट्रिय सन्देश संबाददाता, ५ घण्टा पहिले
२०८३ साउन ३०, काठमाडौँ । नेपाली कांग्रेसका निवर्तमान सभापति शेरबहादुर देउवाले सर्वोच्च अदालतबाट न्याय पाएपछि पार्टी एकताबद्ध हुने विश्वास व्यक्त गरेका छन् ।
शनिबार महाराजगञ्जस्थित निवासमा पत्रकारहरूसँग कुरा गर्दै देउवाले यस्तो बताएका हुन् । उनले आफू विशेष महाधिवेशनको पक्षमा नरहेको बताए ।
देउवाले विशेष महाधिवेशनविरुद्ध आफूहरूले मुद्दा दायर गरेको भन्दै पुनरवलोकन नभएसम्म यस विषयमा धेरै बोल्न नहुने बताए ।
देउवाले लोकतन्त्रका लागि स्वतन्त्र पत्रकारिता अत्यावश्यक रहेको उल्लेख गर्दै प्रेसले व्यक्तिपूजा नभई निष्पक्ष रूपमा काम गर्नुपर्नेमा जोड दिए ।
पाँच महिनापछि स्वदेश फर्किएका देउवाले सुदूरपश्चिम र विशेषगरी गृहजिल्ला डडेलधुरा जाने इच्छा रहेको बताए । उनले डडेलधुरामा विमानस्थल निर्माणलगायत बाँकी काम पूरा गर्ने प्रतिबद्धता पनि जनाए ।
