बिहीबार, २५ पुष, २०८१
बिहीबार, २५ पुष, २०८१
राष्ट्रिय सन्देश संबाददाता, बुधबार, १३ असार, २०८०
काठमाडौँ। ललिता निवास प्रकरणमा पक्राउ परेका हरुलाई जिल्ला अदालत काठमाडौंले थप सात दिन थुनामा राख्न अनुमति दिएको छ । पक्राउ परेका चारै जनाको सात दिन म्याद थप गर्न न्यायाधीश बासुदेव पौडेलको इजलासले अनुमति दिएको हो ।
प्रतिवादीका तर्फबाट आज भएको बहसमा रमण श्रेष्ठ, सुशील पन्त लगायतका वकिलहरुले बहस गरेका थिए । उनीहरुले पक्राउ परेकामध्ये तीन जना सर्वोच्चको स्टे अर्डरका आधारमा छुटेको हुँदा अरुको हलमा पनि यही लागू हुनुपर्ने माग गरेका थिए । बहसमा थुनाबाहिरै राखेर अनुसन्धान होस भनि माग राखेका थिए ।
तर, न्यायाधीशले वकिल को माग लाइ अस्विकार गर्दै ४ जनासँग सर्वोच्चको निषेधाज्ञा नभएकाले मुद्दाको अनुसन्धानका लागि थप ७ दिन थुनामा राख्न अनुमति दिइएको उनले बताए ।
प्रहरीले पूर्वनिर्वाचन आयुक्त सुधीरकुमार शाह, भाटभटेनी सुपरमार्केटका सञ्चालक मीनबहादुर गुरुङ र तत्कालीन सरकारी कर्मचारी गोपाल कार्की र धर्मप्रसाद गौतमलाई मंगलबार बालुवाटारस्थित ललिता निवास जग्गा हिनामिना प्रकरणमा संलग्न भएको अभियोगमा पक्राउ गरेको थियो ।
