शुक्रबार, २६ पुष, २०८१
शुक्रबार, २६ पुष, २०८१
राष्ट्रिय सन्देश संबाददाता, आईतवार, १० मंसिर, २०८०
नेकपा एमाले सचिव योगेश भट्टराई सवार गाडी ताप्लेजुङमा तोडफोड भएको छ ।
सचिब भट्टराई ताप्लेजुङ सदरमुकाम फुङलिङ्बाट फर्कने क्रममा पहिचान पक्षधरले फुङलिङ नगरपालिका—४ तोक्मेडाँडा बसपार्क नजिकै ढुंगा प्रहार गरि गाडीको सिसा फुटेको हो ।
आइतबार ताप्लेजुङमा नेकपा एमालेको चियापानको कार्यक्रम रहेको थियो । कार्यक्रम सकेर पाँचथरतर्फ फर्कने क्रममा भट्टराई सवार गाडी प्रदेश २-०१००१ च ४० नम्बरको गाडीमा पहिचान पक्षधर समूहले आक्रमण गरेका थिए।
आइतबार दिउँसो भट्टराईको घरअगाडि पनि पहिचान पक्षधरले प्रदर्शन गरेका थिए ।
प्रदेश १ पुन नामांकन संयुत्त संघर्ष समितिले कोशी प्रदेश नामको खारेजीको माग गर्दै आन्दोलन गरिरहेको छ । सोही समूहले भट्टराईको गाडीमा ढुंगा प्रहार गरेको हो ।
एमाले सचिव भट्टराईले प्रदेश नामकरणको विषयमा अहिले प्रदेशसभा बाहिर विवाद गरेर काम छैन यो प्रदेश सभाले गर्ने काम हो भनेर सम्झाउदा पनि आफु माथि आक्रमणमा उत्रिएकोमा दुख ब्यक्ता गरे।
