शुक्रबार, २६ पुष, २०८१
शुक्रबार, २६ पुष, २०८१
राष्ट्रिय सन्देश संबाददाता, बुधबार, २४ आश्विन, २०८०
काठमाडौँ। आज नेपाल एयरलायन्सको विमान नेपालीहरूलाई लिन इजरालय जाँदैछ। सोही जहाजमा परराष्ट्र मन्त्री साउद इजरायल जान लागेको बताइएको छ । नेपालीहरूको उद्धार टोलीको नेतृत्व मन्त्री स्वयंले गर्दैछन्।
बुधबार सिंहदरबारमा बसेको मन्त्रिपरिषद् बैठकले नेपाल आउन चाहने नेपालीहरूलाई लिन नेपाल एयरलाइन्समा परराष्ट्रमन्त्रीलाई पठाउने निर्णय गरेको हो। नेपालीलाई लिन नेपाली विमान त्यसतर्फ बुधबार राति ११ जाने बताइएको छ।
परराष्ट्र मन्त्रालयले इजरायलस्थित नेपाली दूतावाससँग समन्वय गरी स्वदेश फर्किने नेपालीहरूको विवरण संकलन गरेको छ।
गत शनिबार प्यालेस्टाइन विद्रोही हमासको आक्रमणमा परी १० जना नेपालीको मृत्यु भएको छ। चार जना घाइते भएका छन् भने एक जना अज्ञात रहेका छन्। घाइतेमध्ये दुई जना डिस्चार्ज भएको बताइएको छ । नेपालीहरूको शव इजरायल सरकारको संरक्षणमा रहेको भन्दै हस्तान्तरण गरेपछि मात्रै उच्च प्राथमिकता साथ नेपाल ल्याउने जानकारी रहेको छ।
