शुक्रबार, २६ पुष, २०८१
शुक्रबार, २६ पुष, २०८१
राष्ट्रिय सन्देश संबाददाता, शनिबार, ७ पुष, २०८०
काठमाडौँ। नेपालि कांग्रेस वाग्मती प्रदेश सम्मेलनको उद्घाटन गर्दै नेपाली काँग्रेसका महामन्त्री विश्वप्रकाश शर्माले फागुनभित्र प्रदेशलाई अधिकार सम्पन्न नगरे सिंहदरबार घेराबन्दी गर्ने कडा चेतावनी दिएका छन् ।
महामन्त्री शर्माले सशक्तिकरणको आह्वान चौतर्फी रूपमा गुन्जिएकोमा जोड दिँदै प्रदेशका मागलाई तत्काल सम्बोधन गर्न संघीय सरकारलाई आग्रह गरे । उनले कांग्रेस महासमिति बैठकसम्ममा माग पूरा नभए सिंहदरबार घेराउ गर्ने निर्णय गरिने बताए ।
उनले असन्तुष्टि व्यक्त गर्दै भने, ‘प्रदेशसँग संरचना छ तर अधिकार नभएको गुनासो छ। उनले निजामती, निजामती सेवा, आर्थिक, प्रहरी सम्बन्धी कानून बनाएर प्रदेशलाई अख्तियार दिनुपर्नेमा जोड दिँदै मधेस प्रदेशका अध्यक्षले व्यक्त गरेको भावनालाई प्रतिध्वनि दिए ।
महामन्त्री शर्माले रुस–युक्रेन सेनामा गैरकानुनी रूपमा भर्ती हुनेलाई कारबाही गर्न पनि आग्रह गरे । उनले द्वन्द्वग्रस्त क्षेत्रमा ज्यान गुमाएका नेपालीको शव गन्नु मात्रै राज्यको दायित्व नभएको भन्दै यो विषयलाई गम्भीरतापूर्वक लिन सरकारलाई आग्रह गरे । कांग्रेस महासमिति बैठकले तोकिएको समयभित्र आवश्यक ऐन पास नभएमा प्रदेशबासीसँग मिलेर सिंहदरबार घेराबन्दी गर्ने निर्णय गरिने उनले बताए ।
