शुक्रबार, २६ पुष, २०८१
शुक्रबार, २६ पुष, २०८१
राष्ट्रिय सन्देश संबाददाता, बुधबार, ३० फाल्गुन, २०८०
काठमाडौं, । प्रधानमन्त्री पुष्पकमल दाहाल ‘प्रचण्ड’ ले प्रतिनिधि सभाबाट विश्वासको मत पाएका छन् । प्रधानमन्त्री प्रचण्डले आज बुधबार तेस्रो पटक प्रतिनिधि सभाबाट विश्वासको मत लिएका हुन् ।
नेपाली कांग्रेसले सरकारलाई दिएको समर्थन फिर्ता लिएपछि प्रधानमन्त्री प्रचण्डले नेपालको संविधानको धारा १०० को उपधारा २ बमोजिम प्रतिनिधि सभाबाट विश्वासको मत लिएका हुन् ।
प्रतिनिधि सभामा उपस्थित २६८ सांसदमध्ये विश्वासको मतको पक्षमा १५७, विपक्षमा ११० सांसदले मतदान गरे । एक सांसद तटस्थ रहे ।
प्रतिनिधि सभाको बैठकमा २६८ सांसदमध्ये प्रधानमन्त्रीले १५७ सांसदको समर्थनसहित विश्वासको मत पाएका थिए भने विपक्षमा प्रमुख प्रतिपक्षी दल नेपाली कांग्रेस सहित ५ विपक्षी दलबाट ११० मत परेको थियो ।
प्रधानमन्त्री पुष्पकमल दाहाल ‘प्रचण्ड’ले प्रतिनिधि सभाबाट विश्वासको मत पाएसँगै आफ्नो जिम्मेवारी अझै बढेको बताएका छन्। संसदबाट तेस्रो पटक विश्वासको मत पाएसँगै ‘प्रचण्ड’ले देश र जनताप्रति थप जिम्मेवारीबोध भएको सञ्चारकर्मीसंग कुरा गर्दै प्रचण्डले राष्ट्र र जनताको पक्षमा राम्रा काम तीव्र गतिमा गर्ने जिम्मेवारीलाई गम्भीरतापूर्वक पूरा गर्ने समेत बताएका छन।
