शुक्रबार, २६ पुष, २०८१
शुक्रबार, २६ पुष, २०८१
राष्ट्रिय सन्देश संबाददाता, बिहीबार, ११ माघ, २०८०
काठमाडौँ। राष्ट्रिय सभा सदस्यका लागि मतदान सुरु भएको छ। निर्वाचन आयोगका अनुसार आज बिहान ९ बजेदेखि सुरु भएको मतदान दिउँसो ३ बजेसम्म हुनेछ । २ हजार ४७ जना मतदाता रहेको राष्ट्रियसभा निर्वाचनमा सातै प्रदेशको तोकिएका मतदानस्थल तथा मतदान केन्द्रमा मतदान भइरहेको छ। १९ पदका लागि ५२ जना उम्मेदवार रहेका छन् ।
प्रदेशसभाका सदस्य तथा गाउँ/नगरका प्रमुख/उपप्रमुखले मतदान गर्ने छन् । सत्तामा रहेका दलले गठबन्धन बनाएर उम्मेदवार उठाएका छन् । विपक्षी दल एमालेले कोशी प्रदेशमा राप्रपासँग तालमेल गरे पनि अन्यत्र भने एक्लै मैदानमा छ ।
राष्ट्रियसभा सदस्यको पदका लागिमतदाता रहेका प्रदेश सभा सदस्यको ५३ र गाउँपालिकाका अध्यक्ष तथा उपाध्यक्ष र नगरपालिकाका प्रमुख तथा उपप्रमुखको १९ मतभारका दरले गणना हुनेछ।
निर्वाचनमा हालः कायम प्रदेशसभा सदस्य र स्थानीय तहका प्रमुख/उपप्रमुख गरी दुई हजार ४७ मतदाता गरी कूल मतभार ५७ हजार ५५९ हुनेछ।
