शुक्रबार, २६ भाद्र, २०८३
शुक्रबार, २६ भाद्र, २०८३
राष्ट्रिय सन्देश संबाददाता, शुक्रबार, १२ भाद्र, २०८३
२०८३ भदौ १२ काठमाडौँ । रसुवाको भोटेकोशीमा आएको विनाशकारी बाढीपछि बन्द रहेको पृथ्वी राजमार्ग सञ्चालनमा आएको छ । पूर्वाधार विकास मन्त्रालयका अनुसार पृथ्वी राजमार्गअन्तर्गत गल्छी–मलेखु खण्डमा थुप्रिएको लेदो पन्छाएर पहिलो चरणमा अत्यावश्यक सवारीसाधनको आवागमन सुचारु गरिएको हो ।
सडक विभागका उपमहानिर्देशक अर्जुन अर्यालका अनुसार राजमार्गको गलौँदी, बांगे, पोखरे, जरेखेत र बैरेनी लगायतका क्षेत्रमा ३ देखि ४ मिटरसम्म अग्लो लेदो र डेब्रिज थुप्रिएको थियो । जसका कारण गजुरीदेखि बैरेनीसम्मको सडक खण्ड पूर्ण रूपमा ठप्प बनेको थियो ।
राजमार्गमा अलपत्र अवस्थामा रहेका सवारीसाधनलाई सुरक्षित रूपमा गन्तव्यतर्फ पठाइएको छ । लेदो पन्छाउने तथा सडक खुलाउने कार्यसँगै पृथ्वी राजमार्ग सञ्चालनमा आएको हाे।
बाढीपछि गृहमन्त्री सुधन गुरुङले पृथ्वी राजमार्गमा आवतजावतमा पूर्ण रुपमा रोक लगाउन निर्देशन दिएका थिए।
