शनिबार, १४ मंसिर, २०८२
शनिबार, १४ मंसिर, २०८२
राष्ट्रिय सन्देश संबाददाता, ५ घण्टा पहिले
२०८२ मंसिर १३, काठमाडौँ । जारी नेपाल प्रिमियर लिग (एनपीएल)मा आज पनि दुई खेल हुँदैछ ।
कीर्तिपुरस्थित त्रिवि क्रिकेट मैदानमा ११ः४५ बजे हुने पहिलो खेलमा लुम्बिनी लायन्स र पोखरा एभेन्जर्सबिच प्रतिस्पर्धा हुनेछ । रोहित पौडेलको कप्तानीमा रहेको लुम्बिनी चारमध्ये एक र कुशल भुर्तेलको कप्तानीमा रहेको पोखराले तीन खेलबाट एक खेल नै जितेको छ । लुम्बिनी अंक तालिकाको सातौं र पोखरा छैटौं स्थानमा छ ।
प्लेअफको सम्भावना जीवितै राख्न दुवै टोलीलाई यो खेल जित्नुपर्ने अवस्था छ ।
यस्तै, अपराह्न ४ बजे साविक विजेता जनकपुर बोल्ट्स र साविक उपविजेता सुदूरपश्चिम रोयल्सबिच प्रतिस्पर्धा हुनेछ ।
एनपीएलको दोस्रो संस्करणमा सुदूरपश्चिम आठ अंकसहित तालिकाको शीर्ष स्थानमा छ । सुदूरपश्चिमले आफ्नो चार खेलमध्ये चारै खेलमा जित निकालेको छ । आजको खेल जितेर सुदूरपश्चिम प्लेअफमा स्थान सुरक्षित गर्न चाहन्छ ।
तालिकाको पुछारमा रहेको जनकपुर भने जितविहीन छ । जनकपुरले यसअघिका तीनै खेलमा हार व्यहोरेको छ ।
